Siglir tar il cuntegn

Header

audio
Bunura: Las raschuns da Corinne Staub per bandunar Sedrun Mustér Turissem
Or da Actualitad dals 08.05.2019.
laschar ir. Durada: 2 minutas 50 Secundas.
cuntegn

Surselva Corinne Staub – La fidanza ed il respect han mancà

L’opiniun sur da finamiras e strategia sajan stadas differentas, di l’anteriura presidenta da Sedrun Mustér Turissem. Sedrun haja auters interess che Mustér; e per gronda part vegnia quai da las pendicularas.

Midar l'uniun en ina societad d'aczias

Opiniuns differentas haja quai era dà, co reparter las finanzas. Ma Corinne Staub na vul betg numnar exempels concrets. Ella haja era vulì muventar insatge, per exempel midar l’uniun da Sedrun Mustér Turissem en ina societad d’aczias. Mintga giada haja quai dentant dà resalvas: Ins stoppia anc spetgar sin quai e tschai e quai na fetschia betg senn.

Ins sa emprender dapertut insatge

Ella n'haja però betg bandunà SMT cun resentiments. Cun Simona Barmettler hajan els ina buna directura. Ed ella fa bilantscha sco suonda:

Jau na tutg betg tar questa glieud che di: U che jau cuntansch insatge u ch'jau disdesch. Ins po emprender dapertut insatge.

Il nov president ubain la nova presidenta da Sedrun Mustér Turissem vegn elegì ils 20 da zercladur a la radunanza da commembers.

RR actualitad 07:00

Artitgels legids il pli savens