Siglir tar il cuntegn

Header

Pervia dal virus èsi era scumandà da chantar
Legenda: Pervia dal virus èsi era scumandà da chantar RTR, Hubert Giger
cuntegn

Corona «Igl è depriment ch’ins na po betg chantar»

Pervia dal virus han Confederaziun e chantuns decretà restricziuns pli severas. Quellas tutgan era las baselgias, nua ch’igl è per exempel scumandà ch’il pievel dastga chantar. Plinavant dastgan be 50 persunas prender part al servetsch divin, ed ins sto purtar mascrinas e tegnair distanza. Il redactur da RTR ha fatg part al servetsch divin en baselgia da sontg Gions a Mustér, ils 6 da december.

Per Battesta Lutz èsi depriment ch’ins na po betg chantar. Il chant saja ina part integrala dal servetsch divin. Ma questa restricziun stoppian ins acceptar.

Nicole Jacomet ha dastgà prender giu la mascrina durant leger la lecziun. Ma ins sentia ch’i saja auter.

Igl è fitg spezial ch’i vegn pli blera glieud e lura stoni anc avair si mascra.
Autur: Nicole Jacomet

Il chant saja insatge impurtant en il servetsch divin, di il president da la plaiv da sontg Gions, Aldo Tuor.

I manca l’atmosfera en baselgia.
Autur: Aldo TuorPresident da la plaiv da sontg Gions/Mustér

Era al plevon, sur Mathew Kurianim ch'è oriund da l’India, manca il chant, surtut durant las festas sco Nadal u Pasca. I saja difficil cun tut las restricziuns, ma el acceptia quai.

Das Leben ist wichtiger.
Autur: Sur Mathew KurianimPlevon da la plaiv da sontg Gions

RTR actualitad 07:00

Artitgels legids il pli savens

Scrollar a sanestra Scrollar a dretga