Siglir tar il cuntegn

Header

cuntegn

Coronavirus Pasterner Goldmann furnescha paun a chasa

Ins sentia fitg che la clientella na vegnia betg pli a cumprar paun, di il pasterner da Mustér Toni Goldmann, che maina la pasternaria cun café. Perquai hajan els lantschà ina acziun sin facebook per promover il servetsch da purtar a chasa paun e turta. L’acziun da furnir a chasa hajan els gia lantschà avant in temp, ma uss cun il coronavirus reactivà danovamain, di il possessur da la pasternaria a Mustér.

Fin uss nagin success cun empustaziuns

Ma fin uss n’hajan els anc gì naginas empustaziuns per furnir il paun a chasa, di era Renata Goldmann. Ma quai saja uss ina acziun per vegnir da vender paun, autras possian anc suandar. Ma il mument sajan els propi savens sulet en stizun ed en il café, ed a lung temp na saja quai finanzialmain betg ideal e pajabel.

audio
Corona: Pasterner Goldmann Mustér furnescha a chasa
ord Actualitad dals 13.03.2020.
laschar ir. Durada: 2 minutas 1 Secunda.

Dumonda per lavur curta

Per pudair surmuntar quella crisa, haja el uss communabel cun ses fiduziari inoltrà al chantun la dumonda per introducir lavur curta. Sch’il chantun sustegnia la dumonda, na possia el il mument betg dir, accentuescha Toni Goldmann.

RTR actualitad 07:00

Artitgels legids il pli savens