Siglir tar il cuntegn

Header

L'administraziun communala
Legenda: L'administraziun communala RTR
cuntegn

Covid 19 Tujetsch sustegna interpresas

Cun ina lescha vul la vischnanca sisum la Surselva stgaffir las premissas. La finamira è da gidar a curclar ils custs da manaschi.

162'000 francs

Sco la suprastanza communala da Tujetsch scriva en il messadi al cussegl da vischnanca, tutgia la pandemia surtut chasas da colonias, ustarias, hotels e stizuns da sport. La summa da sustegn duai esser ina contribuziun simbolica d’agid. A disposiziun stat in credit da 162’000 francs. Quel sa basa sin la summa da las taxas communalas. Quellas na vegnian dentant betg relaschadas u reducidas, las interpresas hajan da pajar quellas sco usità, scriva la suprastanza.

Il credit da sustegn va a las suandantas interpresas:

  • Chasas da colonias: 99’923.- francs (50% da la summa totala da las taxas)
  • Ustarias: 23’259.- francs (50%)
  • Hotellaria: 36’926.- francs (30%)
  • Stizuns ed ulteriuras stizuns: 1800.- francs (30%)

Decisiun ils 10 da mars

Mesemna, ils 10 da mars, decida il cussegl da vischnanca da questa fatschenta. Plinavant decida el, sche la vischnanca duai visar ils contract pertutgant il sajettar en Val Maighels e davart il credit per il Bogn Sedrun (votaziun consultativa cun varianta dal credit brut, contribuziun dal chantun e credit net ubain varianta cun credit brut).

audio
Per tadlar curt e cumpact
01:14 min, Novitads dals 26.02.2021.
laschar ir. Durada: 01:14 minutas.

RTR novitads 12:00

Artitgels legids il pli savens

Scrollar a sanestra Scrollar a dretga