Durmir sco in crap, ferm sco in crap, stanchel sco in crap e mit sco in crap. Silvana Derungs dal Dicziunari Rumantsch Grischun ha referì sur dal pled crap.
Il pled Crap è sco ella di in dals pli vegls pleds rumantschs insumma.
Propi exact danunder ch’el vegn na sappian ins betg, i saja dentant segir ch’il pled na deriva betg dal ladin. In pled preroman che vegn duvrà pulit savens. Silvana Derungs ha referì sur dal crap dentant mo en ses stretg connex cun il corp dal carstgaun.
Spezialitads da vischnancas
A Ftan datti per la situaziun da dumandar la dunna per maridar «bittar il crap», forsa il crap che giascha uschè grev sin il cor. En mintga cas san ins er avair da far cun crappa sch’ins stat «ledigs sco in crap». A Sevgein van mo la crappa da fieu a scola quest onn, tenor il dicziunari. Ma crappa da fieu datti dapertut, ils tartuffels che valan nagut, ils pignols da Nadal struptgads – tut quai ch'è betg propi gartegià è crappa da fieu.
Ins sa er avair fom ch’ins mangia crappa, ma lura sai dar ch’ins ha la tschavera che giascha sco crappa sin il stumi.
Ord mintga regiun gia il pli probabel, or mintga vitg savess Silvana Derungs raquintar insatge sur da la crappa. E per betg unfisar vus sco la crappa è quest text ussa a fin.