A Roma engiran oz 34 gardists novs da proteger il papa Francestg. Tschintg da quels èn Grischuns. In è Max Albrecht ch'è naschì e creschì si a Roveredo. Gia ses bab Cristian è stà en servetsch tar la guardia papala il 1992 e 1993. El e l’entira famiglia, surtut era sia dunna Cristina e la feglia Eva, sajan loschs dal Max.
Per mai è quai in plaschair enorm ch’el cuntinuescha cun questa tradiziun
Curaschi e cardientscha
Sco Cristian Albrecht di, haja el adina puspè raquintà a ses figl dal temp sco gardist a Roma. El haja anc blers amis da quest temp, ed il Max saja creschì si en quest ambient. Ses figl haja gugent il militar, ma in mument decisiv dad ir a Roma saja bain stà cura che ses aug è mort da covid.
L’act festiv da la saramentaziun n'ha Cristian betg emblidà. Per el è quai stà ils 6 da matg 1992. I dovria curaschi e cardientscha da far quest pass.
Auzar ils trais dets encunter tschel ed engirar che ti es pront da dar la vita per il Papa tutga
Ina giada gardist, adina gardist
I saja in di impurtant, e perquai di dettia il proverbi: Ina giada gardist, adina gardist.
Ils 5 Grischuns che vegnan saramentads:
- Max Albrecht, Roveredo
- Gian Andrea Bossi, Tavau
- Curdin Klaas, Tavau (Saramentaziun per rumantsch)
- Fabian Luzio, Sursés
- Flavio Tomaschett, Trun