La regenza grischuna ha approvà il project da protecziun cunter crudada da crappa tar il Grep da Ferm sin territori da la vischnanca da Sumvitg. Cun raits da protecziun possian il binaris tranter Mustér e Sumvitg da la Viafier retica vegnir protegids. Ils custs totals muntan a 3,6 milliuns francs.
Proteger binaris cun montar raits
En il territori da Grep da Ferm datti regularmain crudadas da crappa e da blocca che pericliteschan tant la via sursilvana sco er la lingia da viafier. Per proteger quellas duai il territori vegnir segirà cun montar raits cunter crudada da crappa d'ina lunghezza totala da 550 meters sco er cun stender raits sur ina surfatscha da tut en tut 3'550 meters quadrat.