Siglir tar il cuntegn

Header

cuntegn

Crudada da crappa Via dal Pass dal Lucmagn resta serrada

La dumengia hai sin la via dal Pass Lucmagn dà ina crudada da crappa. Curt avant la via laterala en direcziun mir da fermada è glischnà ina surfatscha da radund 150 meters cubic sin la via. En vischinanza da la zona da distatga sa chattan anc adina plattas da grip ch'èn en privel da crudar.

Mesiras da segiranza

Ina emprima valitaziun è gia vegnida fatga la dumengia. Quella ha confirmà ch'i dettia en la zona da distatga anc adina ina massa da grip da radund 1'000 meters cubic en moviment. Perquai sto quella massa vegnir purtada davent avant che puspè pudair avrir la via.

La via resta serrada per intgins dis

Anc n'èsi betg cler cura che la via po puspè vegnir averta. Las lavurs cuzzian anc plirs dis. La via dal Lucmagn resta perquai serrada ord motivs da segirtad serrada per traffic da tutta sort – er per peduns e velocipedists.

Per viandants e mountainbikers datti la pussaivladad da guntgir sur las sendas da viandar u la via veglia.

RTR novitads 06:00

Artitgels legids il pli savens