Artistas ed artists han lavurà quasi trais mais, da mez mars fin il cumenzament da zercladur. Sco l’artista ed ina da las organisaturas dal project Yvonne Gienal di, hajan els gì maun liber da crear lur ovras, da malegiar, picturar, scriver, tagliar, tatgar, far collaschas etc.
L’idea è stada ch’ins prenda la carta e trametta enavant quella ad in auter artist.
La finamira è stada da collavurar in cun l’auter e da vesair tge ch’in artist fa cun insatge ch’el survegn. Uschia han els era pudì tgirar il contact.
Ins è uschè bler persul, ed jau crai ch’i saja enorm impurtant per in artist d’avair quest stgomi.
Art duai tschiffar ed esser vita. Perquai n'èn ils artists betg mo sa fatschentads cun il tema da corona.
L’exposiziun na mussa dentant betg mo las ovras. Ils visitaders pon era far in tur virtual, vul dir: artistas ed artists sa preschentan en maletgs, tuns e suns.
La Cularta è averta mintga di (10:00-16:30) dals 8 da zercladur fin ils 19 da fanadur. Las ovras pon ins cumprar.