El è artist, el è scolast d’art, el è in tip bain enconuschent en Surselva. Michel Pfister, oriund da Vuorz, dat scola en la scola d’art da Basilea. Ussa è el dachasa per las proximas 6 emnas en la Cularta sper il Lag Grond a Laax.
Mintgin sa far art
A Laax pon ins visitar Michel Pfister e profitar da sias experientschas da far art. A persunas interessadas dat el tips e trics per far art. La finala pon persunas interessadas prender la sculptura a chasa en l'agen curtin.
Il lain
2 kilometers laina tut apartia ha l'artist prendì da Basilea. I sa tracta d’in lain tieu, il Pinus strobus. In lain che sa lascha struvegiar e furmar talmain ch’el è predestinà per far art. La laina è preparada uschia che las persunas che visitan la Cularta pon lavurar cun questas glistas tagliadas. Quest lain ha Michel Pfister gia duvrà savens, per exempel ha el fatg cun entiras classas d'art sculpturas cun il lain che sa lascha struvegiar ed el è fascinà da questa moda d’esser creativ.
Sco emprim vegn lavurà vid in model da la sculptura che duai vegnir realisada. Suenter sa la sculptura sezza vegnir fatga cun agid da l'artist sez. A la fin sa tschenta la sculptura en il curtin privat, sin l'agen prà, u era en chasa.
A la fin da questas sis emnas cun Michel Pfister vegnan preschentadas las sculpturas en lur plaz nua ch’ellas en plazzadas. Quai vegn fatg cun fotografias, che vegnan preschentadas en la Cularta. Forza resta ina sculptura u l’autra per in temp en la Cularta.
