Siglir tar il cuntegn

Surselva Cumbat per il presidi da Sursaissa Mundaun

Ils 29 da november vegn elegì l’emprima presidenta u l’emprim president da la nova vischnanca Sursaissa Mundaun. Gia uss datti 2 candidats uffizials.

Ernst Sax, president communal da Sursaissa ed Irene Schneider, presidenta communala da Mundaun.
Legenda: Ernst Sax, president communal da Sursaissa ed Irene Schneider, presidenta communala da Mundaun. RTR

Las 2 vischnancas da Mundaun e Sursaissa han decidì da fusiunar. Davent il prim da schaner datti mo pli ina vischnanca. Tgi che vegn a manar la nova vischnanca n’è anc betg cler. Elegì vegn ils 29 da november, e gia uss, pli ch'in mais avant las elecziuns, datti gia 2 candidats uffizials per il post da president communal.

Ils candidats èn la presidenta da la vischnanca Mundaun Irene Schneider ed il president da la vischnanca Sursaissa Ernst Sax.

Enfin ils 29 d’october pon ulteriuras anc annunziar lur candidatura. Ils 30 d’october pon lura tut las candidatas e candidats sa preschentar al pievel ad ina discussiun da podium. La votaziun per da la presidenta u dal president e da la suprastanza da la nova vischnanca succeda ils 29 da november.