Planisà era quai ch’i vegnia cumenzà cun la construcziun dals novs stabiliments per dal campadi da Trun avant in onn. Perquai ch’igl è dentant sa mussà ch’il project surpassava ils 3,6 milliuns francs che, vischnanca, chantun e confederaziun han mess a disposiziun, per gronda part sco credit, èsi anc ina giada stà dad ir sur ils cudeschs. Ussa è il project calculà cun 3,5 milliuns francs e Donat Nay, vicepresident dal cussegl d’administraziun da la Campadi Trun SA è persvas ch’ins po tegnair a mastergn ils custs.
Impurtanta pitga dal turissem
Il campadi è sco quai che Donat Nay di fitg impurtant per Trun, perquai dovria quest era ina buna infrastructura. Il campadi attiria blera glieud, era indigens e perquai saja quel ina impurtanta pitga en il turissem ed haja era ina impurtanza economica per Trun.
Dus bajetgs novs
Cumenzà han ins cun il bajetg principal. Quel dat suttetg ad ina ustaria cun 40 plazs endadens e 40 ordadora. Vinavant ha era in kiosc ed indrizs sanitars. L’atun vegn era il bajetg existent disfatg e là vegn construì in bajetg cun tualettas, duschas, stanzas par lavar giu vaschella e lavar resti. Ils dus bajetgs duain esser construids enfin il zercladur 2016.