Siglir tar il cuntegn

Header

cuntegn

Cumparids 77 cudeschs La retscha dals Tschespets è tschertgada

Dacurt è in inserat cumparì en il Fegl Uffizial da la Surselva. Gion Lutz da Rabius ha fatg amogna da vender la retscha cumpletta da Tschespets.

audio
Mezdi: Tschespets – ina retscha da cudeschs tschertgads
ord Actualitad dals 03.01.2020.
laschar ir. Durada: 2 minutas 55 Secundas.

Biblioteca cun passa 5'000 cudeschs

Rimnar cudeschs è ina passiun da Gion Lutz. En sia biblioteca en chasa ha el passa 5'000 cudeschs rumantschs. Gia ses bab aveva intgins Tschespets, e plaun a plaun haja el acquistà tut ils cudeschs cun cumprar ubain cun barattar cun auters. Ed uss haja el vendì ina da sias duas retschas.

Survegnì l'emprim cun 8 onns

Linus Maissen da Mustér rimnà Tschespets. Surtut da ses temp sco scolast ha el cumenzà a rimnar quests cudeschs; e l’emprim aveva el survegnì da l’aug da sia mamma, cura ch’el aveva 8 onns. Ina giada haja el pajà 600 francs per 20 da quests cudeschs.

Dretg l'ultim dals Tschespets cun nr. 77
Legenda: Dretg l'ultim dals Tschespets cun nr. 77 RTR, Hubert Giger

Valur da 2'500 francs

Sco la Lia Rumantscha ha scrit ad RTR haja la retscha cumpletta ina valur da 2'500 francs, in singul exemplar da 15 fin 300 francs. L’emprim è cumparì 1921 cun las istorgias dal Munt s. Gieri da Flurin Camathias. Fin oz èn 77 cudeschs cumparids.

RTR actualitad 11:15

Artitgels legids il pli savens