Siglir tar il cuntegn

Header

In scalin e clavs da chombas d'in hotel.
Legenda: maletg simbolic: Sedrun Mustér turissem ha nudà in plus da 0,2% pernottaziuns cumpareglià cun il medem temp dal 2014. Keystone
cuntegn

Surselva Cunter la tendenza grischuna - Dapli giasts per Sedrun Mustér

Malgrà pauca naiv a l’entschatta da l'enviern e la crisa da l’euro po la destinaziun da vacanzas Mustér Sedrun guardar enavos sin in bun enviern.

Tenor ina communicaziun da l’Agentura da novitads rumantscha ANR mussan las cifras da pernottaziuns da l'hotellaria, publitgadas l'emna passada da Grischun Vacanzas, in resultat positiv per la destinaziun da vacanzas Sedrun Mustér.

Dal schaner enfin mars 2015 ha la destinaziun Sedrun Mustér registrà 46’708 pernottaziuns. Cumpareglià cun la medema perioda da l'onn passà signifitga quai in plus da 0,2%. En il medem temp sa resulta per l’entir Grischun en media in minus da 4,1%.

Buna stad

Anc meglier è il resultat da la stad 2014. Lura hai dà 49’391 pernottaziuns en ils hotels a Mustér e Sedrun, in plus da 3,8% cumpareglià cun la stad 2013. La media en il Grischun per la stad 2013 mussa in minus da 3,2%.

Strategia da marketing ha purtà fritgs

Tenor ils responsabels da Sedrun Mustér Turissem sajan questas bunas cifras il resultat da la collavuraziun cun Grischun Vacanzas, che haja elavurà ina nova strategia da marketing.

Artitgels legids il pli savens

Scrollar a sanestra Scrollar a dretga