Siglir tar il cuntegn

Header

cuntegn

Surselva Cura èsi pussaivel da sajettar in luf?

Il luf da Sursaissa ha stgarpà tenor infurmaziuns da l'Uffizi da chatscha enfin uss 34 nursas. Tenor l’ordinaziun da chatscha federala èsi pussaivel da sajettar in luf, suenter ch’el ha stgarpà 35 animals.

Las prescripziuns cura ch'in luf dastga vegnir sajettà èn descrittas en l’ordinaziun da chatscha federala. Il dumber necessari da 35 animals stgarpads è tar la muntanera en l’alp Gren a Sursaissa bainbaud ademplì.

La conferma ch'in triep da lufs sa mova en il territori mida dentant la situaziun. Sajettar in dals geniturs dal triep n’è betg pussaivel.

audio
Mezdi: Sajettar lufs
ord Actualitad dals 30.08.2019.
laschar ir. Durada: 4 minutas 31 Secundas.

Il dumber da lufs pudess s’augmentar marcantamain

La fundaziun KORA surveglia sin incumbensa da la Confederaziun e dals chantuns la populaziun da tut ils animals da rapina en Svizra. Sin la carta actuala è visibel ch’i dat almain anc set femellas da luf en il Grischun. In potenzial che fa schizunt respect al manader da l'Uffizi da chatscha e pestga, Adrian Arquint.

Uss essan nus en la fasa che gia mes antecessur aveva menziunà, la fasa exponenziala en il svilup dals lufs. Quai dat natiralmain conflicts en noss ambient da cultura d'ozendi.
Autur: Adrian Arquint manader Uffizi da chatscha e pestga dal Grischun
Carta geografica che mussa ils lufs identifitgads en la Svizra
Legenda: Carta geografica che mussa ils lufs identifitgads en la Svizra MAD, KORA

RR actualitad 12:00

Artitgels legids il pli savens