La vischnanca da Medel vul construir abitaziuns en l’anteriura chasa da scola a Curaglia. Per quel intent propona la suprastanza communala d’approvar il messadi cun il credit da 2,6 milliuns francs.
L’anteriura chasa da scola a Curaglia saja in lieu ideal per abitaziuns. Il bajetg è central, datiers da la fermada da l'auto da posta. Quai concluda la cumissiun che ha planisà il project. La finamira dal project è che persunas attempadas, famiglias e glieud giuvna restan u vegnan a star en la Val Medel.
En vischnanca da Medel mancan abitaziuns, surtut era per persunas attempadas che dovran nagina u mo pauca tgira. Perquai vul la suprastanza communala nizzegiar la chasa da scola ch’è vida dapi in onn e mez. Igl è previs da bajegiar tschintg enfin sis abitaziuns, in ascensur ed in stgaudament nov. La halla da gimnastica resta. Las lavus duain cumenzar l'atun 2020 e cuzzar fin la stad 2021. Il project custa 2,64 milliuns francs.
RR novitads 06:00