Siglir tar il cuntegn

Header

cuntegn

Curaglia Töffist mora suenter collisiun cun auto

Sin la via pass dal Lucmagn hai dà mardi suentermezdi in accident mortal. In töffist è cupitgà e collidà frontalmain cun in auto sin l'auter vial. Il töffist da 74 onns è anc mort al lieu. Quai communitgescha la polizia chantunala.

Il töffist dal Canada era da viadi cun ina gruppa dad otg persunas da Curaglia en direcziun Mustér cura ch'el è collidà en in caraun tranter ils tunnels Val da Rain e Val Zagrenda cun l'auto d'ina dunna da 45 onns che vegniva encunter. Ina media ed in medi d'urgenza, sco er ils teams dal salvament Surselva e da la Rega han cuntinuà cun l'agid medicinal che la gruppa da töffists aveva cumenzà, dentant senza success.

Las lavurs al lieu d'accident èn vegnidas sustegnidas dals pumpiers da Sursassiala. Ensemen cun la procura publica investighescha la polizia chantunala dal Grischun uss quest cas.

RTR novitads 17:00

Artitgels legids il pli savens

Scrollar a sanestra Scrollar a dretga