Las ragischs da la curatella professiunala van enavos fin tar ils Romans ed ils dretgs da la stirpa dals Germans. L'onn 1912 è vegnì unifitgà quest dretg en l'entira Svizra.
–L'uffizi da la «avugadia uffiziala», uschia aveva lez num pli baud, ha num uss curatella professiunala. Quest uffizi è centralisà a Glion sut il tetg da la Regiun Surselva. Dus avugads ed in'avugada - els vegnan era numnads procuraturs e procuraturas - lavuran là en in pensum da 300%.
Plinavant lavuran là trais referendarias che partan in pensum da 220%. Actualmain datti 236 cas da mesiras per uffants e creschids che vegnan accumpagnads da la curatella.
RR actualitad 11:00