Siglir tar il cuntegn

Header

cuntegn

Surselva Curs da midar rodas per dunnas

Igl atun stat davant porta e l’enviern n’è betg pli lunsch davent. Il dretg temp per controllar l'auto e sa preparar per problems pussaivels durant il temp fraid. In garaschist a Glion ha perquai organisà in curs da pannas, in curs mo per dunnas.

Igl auto, per inqual ina religiun, per auters simplamain in vehichel per ir davent a tar b. En mintga cas è igl auto ina domena da l'um. Midar rodas, mesirar la pressiun da las rodas, mesirar l'ieli, colliar endretg duas battarias.... chaussas che umens san far, nagina discussiun! E sche dunnas han ina giada in problem cun l’auto, per exempel il classicher "metter si chadainas" ... dumondan ellas in um per agid ... quai era ina giada.

audio
Curs da midar rodas per dunnas
ord RTR Audio dals 21.09.2015.
laschar ir. Durada: 3 minutas 59 Secundas.

Chadainas da naiv e mesirar ieli

Il garaschist Aldo Beeli ha organisà in curs mo per dunnas, per s’infurmar tge ch’i saja da far en cas d’ina panna. Sin 5 posts han ils collavuraturs dad Aldo Beeli declerà a las rodund 50 dunnas ch’èn vegnidas al curs, co midar rodas, co mesirar l'ieli u co colliar endretg duas battarias. Las dunnas n'han betg mo astgà mirar co tut quai vegn fatg, ellas han era sezzas astgà empruvar.

Colliar duas battarias, ina scienza per sasez.
Legenda: Colliar duas battarias, ina scienza per sasez. RTR, C. Albin

Artitgels legids il pli savens