Curs rumantsch sursilvan - Da 22 a passa 120 participants - Novitads

Curs rumantsch sursilvan Da 22 a passa 120 participants

Entschet ha il curs a Rumein en Lumnezia. L’iniziativa era vegnida dad Augustin Maissen ch'era professer a l’universitad da Chapel Hill en North Carolina (USA). A Rumein ha ses frar il pader benedictin Flurin Maissen, alura manà quest curs a partir dal 1969.

Autur: Hubert Giger

Entschatta cun professers e students

A l’entschatta prendevan professers e students part dal curs rumantsch sursilvan, sco Francetg Friberg raquinta. El è president da la Fundaziun Retoromana Pader Flurin Maissen. Il pader Flurin administrava il benefizi Rumein ch'appartegneva a la claustra da Mustér. Mo gia suenter in pèr onns han era autras persunas dastgà far part dal curs.

audio

Mezdi: La 50avla stad hai num curs rumantsch sursilvan

ord Actualitad dals 15.07.2019.

laschar ir. Durada: 2 minutas 55 Secundas.

Dumber crescha ad in crescher

A partir da 1982 ha il curs lieu a Laax, perquai ch’il dumber da participants e participantas era creschì. E quel è era creschì vinavant, sco Francestg Friberg di. In emprim record datti 1994 cun 66 participants. 2015 ston ils organisaturs lura puspè midar chasa. Els chattan suttetg tar las soras dominicanas a Glion en la Chasa da sentupada. Quest onn fan 126 persunas part dal curs rumantsch sursilvan.