Siglir tar il cuntegn

Header

Fotografia da Leonora e Livio Loher sin la terrassa dal Center da formaziun Surselva.
Legenda: Leonora (16) e Livio Loher (15) da Xuzhou, China. RTR, C. Albin
cuntegn

Surselva Curs sursilvan fitg intensiv per ils fragliuns chinais

Avant in'emna e mez ha il curs intensiv rumantsch sursilvan da la Fundaziun Retoromana entschet. A chaschun da l'avertura da quai curs ha RTR rapportà da Leonora e Livio Loher da la China. Curt avant la fin dal curs, ha RTR visità anc ina giada ils fragliuns per mirar, tge progress ch'els han fatg.

Leonora Loher e ses frar Livio vivan en China, els han dentant ragischs rumantschas. Lur bab è creschì si a Trin-Mulin e discurra rumantsch sursilvan. A chasa en China na discurran els dentant betg rumantsch. La finamira da Leonora e Livio è, da savair utilisar simplas construcziuns en la vita da mintga di.

Nivel 1, nivel da basa

Els èn partì en en il nivel da basa. Tenor la descripziun dals organisaturs, è quai il nivel per persunas cun «naginas enconuschientschas preliminaras dal linguatg rumantsch».

En quai nivel vai cunzunt per engrondir il stgazi da pleds e duvrar quels en simplas construcziuns. Els èn cuntents cun lur progress e discurran quasi 24 uras per di rumantsch. Betg mo en scola, era a chasa tar lur tat e tatta che stattan a Schnaus, nua ch’els dorman durant quellas duas emnas a Glion.

Discurrer vinavant rumantsch, era en China

Suenter ils curs, cura che Leonora e Livio èn puspè enavos en China, vulan els cuntinuar a discurrer rumantsch sursilvan. Per ina cun lur bab, dentant era cun amis ed amias en scola. Pliras collegas da scola hajan gia dumandà Leonora, tge che quai e tschai veglia dir sin rumantsch. Il proxim curs intensiv da rumantsch sursilvan ha lieu davent dals 18 enfin als 29 da fanadur 2016. Sche pussaivel vegnan era ils fragliuns da la China puspè ad esser da la partida.

rtr/al

Artitgels legì il pli savens

Nach links scrollen Nach rechts scrollen