Siglir tar il cuntegn

Surselva Curt intermezzo en Svizra

Il plan da la famiglia McKay da bandunar la Germania e vegnir en Svizra a viver è stà ina curta emprova.

Iain McKay cun sias duas figlias Fiona e Leah en l'abitaziun a Mustér vid ensolver
Legenda: Iain McKay cun sias duas figlias Fiona e Leah en l'abitaziun a Mustér. SRF/RTS

Actualmain pon ins guardar a la televisiun svizra (SRF) ina seria documentara cun il titel «Grüezi Schweiz». La documentaziun mussa co ch’i va a persunas da l'exteriur che vegnan en Svizra ad abitar. Tranter auter accumpogna la seria era la famiglia McKay. Il bab Iain McKay ha survegnì ina plazza sco scolast d'englais en il gimnasi da la claustra da Mustér. Perquai vul la famiglia vegnir en Svizra. Damai ch'il figl vul finir l'abitur en Germania resta el cun la mamma en lur chasa a Meissen (Saxonia). Iain e las duas figlias èn vegnidas la stad passada en Svizra ed ussa suenter in onn avess era il rest da la famiglia lura gì da vegnir. Uschè lunsch il plan. Mo quel na va betg en vigur. L'aventura è numnadamain prest a fin e la Svizra na daventa tuttina betg la nova patria dals McKays.