Sbassads vegn la taxa perquai ch'i aveva dà recurs encunter ils quints per la taxa, cura che quels èn vegnids tschentads ora l'emprima giada il 2020, suenter la fusiun da Breil, Vuorz ed Andiast.
La dretgira administrativa ha dentant renvià ils recurs. Breil fetschia tut confurm a la lescha e la lescha sezza saja er en urden. Per tuttina vegnir encunter als recurrents, ha la suprastanza dentant proponì da sbassar la taxa d'aua fundamentala e da deflussiun da 0,2 promil da la valita dal bajetg sin ussa 0,15 promil. Quai vala davent dal prim da schaner 2022. Las taxas per il diever d'aua restan tuttina sco fin ussa. Ella vegn dabun a tut ils consuments d'aua.
Pe da taglia vegn reducì per 10 pertschient
Plinavant ha Breil approvà il preventiv che prevesa in gudogn da 380'000 francs sin ina svieuta da bunamain 14 milliuns francs. Il pe da taglia per la vischnauca da Breil vegn reducì per 10 pertschientsin 90 pertschient da la taglia simpla dal chantun. La taglia sin immobiglias resta tar 1,7 promil sco fin qua.