Il crap da stgarpitsch è stà che la vischnanca vuleva dar l’onn che vegn 400'000 francs pli pauc a Sedrun Mustér Turissem. L’organisaziun sezza ha gì scrit ina brev al cussegl e fatg attent a quest fatg.
«Schuschuri cumplet»
En la debatta han cussegliers crititgà tranter auter che la situaziun en il turissem na cuntentia betg, ch’i saja in schuschuri cumplet e ch’i manchia la transparenza.
Mo i ha era dà critica vers Sedrun Mustér Turissem. Quest’organisaziun na duai betg sa maschadar en la politica.
Inscunter cun l'intermediatur
Il president da Sedrun Mustér Turissem Curdin Brugger ha ditg ch’els veglian s’inscuntrar gievgia, 05.11.15, cun represchentants dal chantun e da las duas vischnancas ensemen cun l’intermediatur André Gribi da Kohl & partenaris.
2 da december nov preventiv
Il president communal da Tujetsch Beat Roeschlin na ha betg vulì prender posiziun.
Ils 9 da december tracta il cussegl da vischnanca da Tujetsch il nov preventiv 2016.