En connex cun questas revisiuns è il plan da plazzas da la vischnanca vegnì adattà uschia che mintga sparta – administraziun, infrastructura e bajegiar, manaschi tecnic e la furmaziun – ha en l'avegnir ina quota da plazzas maximala. En quest connex vegnian ils custs totals da persunal envers l'onn precedent ad esser decisivs e betg pli il plan da plazzas. Cun la revisiun ha il cussegl da vischnanca plinavant acceptà in augment da plazzas per 170%.
Adattà pensum da president u presidenta sin maximalmain 80%
Cun l'adattaziun munta il pensum d’engaschament dal president communal da nov 80%. Quel po variar tranter 50% e maximal 80%. Enfin ussa muntava el a maximalmein 74%. Sche l'engaschament è sut 80%, ha il president la pusseivladad d’engaschar in secretariat. Plinavant vegn l'engaschament dals suprastants e da las suprastantas indemnisà adequatamain cun ina pauschala annuala che n'è betg pli dependenta da l'engaschament da la presidenta u il president communal. La pauschala munta a 14'000 francs ad onn.
