Helga Probst-Linder è la nova presidenta dal cussegl da vischnanca da Mustér. La vicepresidenta è vegnida elegida unanimamain sco nova parsura per l'onn 2023, ha communitgà la vischnanca. Nov vicepresident daventa Ignaz Venzin.
Nova lescha per vias da guaud
Vinavant ha il cussegl approvà la nova lescha per il mantegniment da las via da meglieraziun e da guaud. La lescha regulescha il diever da las vias da guaud, da funs e da las alps. Las lubientschas per charrar vegnan concedidas en il futur a moda simpla entras in'applicaziun digitala.
Per abitaziuns pajablas
Era è vegnì inoltrà ina interpellaziun che pretenda scleriments pertutgond la mancanza d'abitaziuns per persunas indigenas. La finamira è da pudair impedir problems davart spazi d'abitar pajabel che pudessan sa mussar en il futur.
audio
Per tadlar: las novitads da las 18:00
ord RTR Audio dals 11.12.2022.
laschar ir. Durada: 4 minutas 7 Secundas.
