A Trun po vegnir realisà il project supplementar per la via da guaud da Munt. La regenza grischuna ha dà glisch verda e concedì ina contribuziun da maximalmain 1,37 milliuns francs per la realisaziun.
Ils guauds sur Trun e Campliun protegian il territori abità, la via chantunala e la lingia da la Viafier retica da lavinas, bovas ed auas grondas. Il territori è accessibel cun ina via da passa 10 kilometers ch'è vegnida engrondida pliras giadas, sco ultim la fin dal 2021. Pervia da crudadas da grip e donns en consequenza da ferma plievgia, dovri ussa però lavurs supplementaras. Tranter auter per segirar l'aua da baiver. Ils custs totals muntan ad 1,78 milliuns francs.