Siglir tar il cuntegn
cuntegn

Surselva Da Flums a Flem - l'open air dal schlager

L’open air «Der Berg bebt» ch’ha gì lieu fin uss a Flumserberg ha lieu davent dal 2017 a Flem / Plaun, en il territori da skis Flem Laax Falera. Quai communitgescha l’organisaziun da turissem. L’openair ha lieu ils 31 da fenadur, sa numna da nov dentant «Flims präsentiert: Der Berg bebt».

planira cun davant in clavà
Legenda: Vista giu da la «tribuna» mad

Per l’ediziun a Flem la stad 2017 sajan ins gia en contact cun artists uschia Fredy Broder, l’organisatur. Tranter auter hajan ils Amigos, Mathias Reim ed Andy Borg gia confirmà la participaziun. Il lieu saja ideal, i haja avunda plaz per la tribuna, per aspectaturs e per rodund 400 tendas. Er saja l’infrastructura da transport fitg buna. Sper quai haja la destinaziun experientscha cun gronds events.

Dapi 16 onns popular dals fans da schlager

L'open air dal schlager attira mintg'onn millis da fans da schalger en ils culms. Quest onn è l'occurrenza per l'ultima giada al Flumserberg. Da la partida èn tranter auter Pur, Johnny Logan, Vanessa Mai e Roland Kaiser. Cun Flem haja la tschertga ina fin, di Broder.

RR novitads 18:00