Siglir tar il cuntegn

Header

video
Fotograf Lotar Tomaschett
Or da Telesguard dals 16.03.2016.
laschar ir
cuntegn

Surselva Da la passiun tar l’exposiziun

Lotar Tomaschett è enconuschent a Trun cunzunt sco pedel da la scola da Trun. Main enconuschenta è sia gronda passiun per il fotografar. Ils resultats da questa passiun pon ins guardar davent da l’avrigl en ina exposiziun.

Fotografias fa Lotar Tomaschett gia dapi ils ultims onns da scola. 2005 ha el cumprà l’emprima camera digitala da fotografar e dapi lura è il fotografar daventà ina passiun adina pli gronda. «Jau vom betg savens dad isch ora senza apparat da fotografar». La cumbinaziun cun il hobi dad ir a chatscha ha lura era manà el tar il fotografar cuntradas ed animals. Sco chatschader sajan ins savens en bels lieus ed en muments nua che la glisch e speziala, declera Lotar Tomaschett.

Ina onur

Savens va el dentant era explicit per far fotografias viadora en la natira e savens era en il medem lieu fin ch’el ha la fotografia giavischada. «Quai è sco dad ir a chatscha. Ins va bleras giadas per nagut». Avant in temp è el vegnì dumandà sch’el na veglia betg exponer en la Cuort Ligia Grischa ina selecziun da sias fotografias. Sco Lotar Tomaschett di saja quai ina gronda onur. Sco artist na sa senta el betg. Quai saja in pau exagerà, manegia l’anteriur scrinari. El saja simplamain ina persuna che fetschia gugent fotografias.

Artitgels legids il pli savens

Scrollar a sanestra Scrollar a dretga