Siglir tar il cuntegn

Header

Navigaziun

cuntegn

Dal biro sin il plazzal Barattà il computer cun la palutta da miradur

La stad 2005 ha Dominik Caminada cumenzà sia carriera tar la Bianchi SA a Sursaissa sco emprendist commerzial. Dapi lura èn 14 onns passads e sia funcziun entaifer la fatschenta sa midada.

Cumenzà en biro

L' onn 2005 aveva Dominik Caminada 16 onns, ed è sa decidì da far l'emprendissadi sco commerziant tar la Bianchi SA a Sursaissa. Quai che n' era dentant betg propi ses emprendissadi desiderà.

Mia finamira era adina da lavurar sin il bajetg e betg exnum en in biro.
Autur: Dominik Caminadapolier tar la Bianchi SA

Dentant cun la perspectiva da surpigliar insacura la fatschenta da sport da ses geniturs, è el tuttina sa decidì per questa via. Quai ord il motiv, che l'emprendissadi da commerziant pareva d'esser ina buna basa, uschia Caminada.

Barattà il computer cun la palutta da miradur

Cun 18 onns ha Dominik Caminada serrà giu ses emprendissadi sco commerziant cun la matura professiunala. Intgins mais pli tard, l'avust 2008, ha Caminada cumenzà l'emprendissadi da miradur tar la medema interpresa.

Quai è schon stà ina gronda midada dal biro sin il plazzal, dentant ina bella midada. Ma corporal natiralmain bler pli pretensius ch'en biro.
Autur: Dominik Caminadapolier tar la Bianchi SA
Dominik Caminada cun ses luvrers sin il plazzal a Glion.
Legenda: Dominik Caminada cun ses lavurers sin il plazzal a Glion. RTR, Carin Caduff

Scolaziuns supplementaras

Ma cun l'emprendissadi da miradur n'eri anc betg a fin cun scolaziuns. Uschia ha Caminada anc agiuntà las furmaziuns sco capolavurer e polier ch'el ha fatg a Sursee. Sin la dumonda sch'in terz emprendissadi ni scolaziun stat sin il program respunda Caminada cun in surrir:

Suenter dus emprendissadis e duas scolaziuns supplementaras hai jau scola fin las ureglias il mument.
Autur: Dominik Caminadapolier tar la Bianchi SA

RR actualitad 07:00