Cumenzà en biro
L'onn 2005 aveva Dominik Caminada 16 onns, ed è sa decidì da far l'emprendissadi sco commerziant tar la Bianchi SA a Sursaissa. Quai che n' era dentant betg propi ses emprendissadi desiderà.
Mia finamira era adina da lavurar sin il bajetg e betg exnum en in biro.
Dentant cun la perspectiva da surpigliar insacura la fatschenta da sport da ses geniturs, è el tuttina sa decidì per questa via. Quai ord il motiv, che l'emprendissadi da commerziant pareva d'esser ina buna basa, uschia Caminada.
Barattà il computer cun la palutta da miradur
Cun 18 onns ha Dominik Caminada serrà giu ses emprendissadi sco commerziant cun la matura professiunala. Intgins mais pli tard, l'avust 2008, ha Caminada cumenzà l'emprendissadi da miradur tar la medema interpresa.
Quai è schon stà ina gronda midada dal biro sin il plazzal, dentant ina bella midada. Ma corporal natiralmain bler pli pretensius ch'en biro.
Scolaziuns supplementaras
Ma cun l'emprendissadi da miradur n'eri anc betg a fin cun scolaziuns. Uschia ha Caminada anc agiuntà las furmaziuns sco capolavurer e polier ch'el ha fatg a Sursee. Sin la dumonda sch'in terz emprendissadi u scolaziun stat sin il program respunda Caminada cun in surrir:
Suenter dus emprendissadis e duas scolaziuns supplementaras hai jau scola fin las ureglias il mument.
RR actualitad 07:00