A partir dal schaner 2025 surpiglia Martin Hug il post sco CEO da las pendicularas Zermatt. A la radunanza dal cussegl administrativ da las pendicularas Zermatt è el vegnì elegì sco successiun da Markus Hasler che va sin la fin dal 2024 en pensiun, sco las pendicularas Zermatt scrivan en ina communicaziun a las medias. Martin Hug sa legria sin las novas ed interessantas sfidas.
Fin da ses uffizis da president
Hug ch'è dapi il 2021 president communal da Flem resta fin la fin dal 2024 en quest uffizi, quai è la fin da la legislatura. Uschia possia el ademplir ses duairs, communitgescha la vischnanca. Tgi che succeda a Hug elegian ils e las da Flem il settember 2024.
Actualmain è Martin Hug er president da las pendicularas grischunas. Da quest uffizi sa retira el sin la fin november 2023.
Or da l'archiv
