Il diavel cotschen na pon ins prest betg survesair sch’ins va cun l’auto u il tren dad Andermatt a Göschenen. Ils pli paucs san dentant tgi che ha fatg quest maletg e ch’i dat quel gia dapi 65 onns. Il purtret da l’artist Heinrich Danioth (1896-1953) aveva da lezzas uras procurà per discussiun. Sco quai che Karl Danioth dad Andermatt che s’interessescha per la vita e las ovras da Heinrich Danioth di, era l’artist lunsch ordavant a ses temp cun quest art modern.
Film documentar
In film documentar dal cineast Felice Zenoni davart l’artist ha procurà ch’i vegn puspè discutà dad el, ed era che bain inqual vischin dad Andermatt sa tgi che ha designar il diavel cotschen en la chavorgia da la Schöllenen.