Il quart street art festival a Danis è a fin - quai cun novs maletgs vid la fatschada dal hostel «Autra Caussa». Puspè han artists da renum laschà lur fastitgs en il vitg sursilvan.
Cumparegliaziun dals maletgs
Ils artists vulan vegnir a Danis
Sco la possessura Bettina Seiser di, èn els il mument en la situaziun luxuriusa che las artistas ed ils artists vulan vegnir a malegiar. Uschia dovria era ina curatura che coordineschia in zic las annunzias. Ma da principi saja impurtant che las artistas ed ils artists sa sentian bain tar els, di Bettina Seiser che maina cun ses partenari il hostel.
Cumparegliaziun dals maletgs
Concept prevesa da far adina novs maletgs
Il concept che saja era coordinà cun la Promoziun da cultura dal Grischun prevesa ch’ils maletgs vegnan adina puspè remplazzads cun novs maletgs e quai saja il regl vid l’entira chaussa: Dar en egl, ma a moda simpatica, di Bettina Seiser. Ed ils maletgs carmalian era dapli giasts, cunzunt la stad hajan els sentì che bleras famiglias, ma era giuvenils vegnian tar els. Blers sulet pervi dal art, ma auters era pervi d’auters motivs, accentuescha Bettina Seiser.
Total local 11:45