Sonda passada han 12 persunas prendì part al turnier. Els han dà sin il glatsch Canorta sin l’areal da l’Axpo Hydro Surselva a Danis-Tavanasa.
In turnier che fa plaschair
Ils 6 teams (mintgamai dus ensemen) han stuì surmuntar in percurs da 12 obstachels. Ils participants han gì plaschair, e perquai n'è il resultat betg stà impurtant.
audio
Bunura: Emprim turnier da minigolf sin glatsch a Tavanasa
ord Actualitad dals 03.02.2020.
laschar ir. Durada: 3 minutas 11 Secundas.
Premiera mundiala
Organisà il turnier da minigolf sin glatsch ha Charly Caduff dal club da minigolf Breil. L’idea saja vegnida in di da gentar l’october suenter l’ultim turnier da minigolf. Intgins hajan manegià ch’ins pudess dar ina giada sin glatsch. Lura haja el proponì dad ir giu Tavanasa sin il glatsch. Sco el di saja quai ina premiera, probabel schizunt ina premiera mundiala.
RTR Actualitad 07:00