La regenza ha concludì che la punt veglia sur il Rain anteriur (punt da Versell) tranter Danis e Tavanasa vegn excludida per ils 30 da settember 2016 da la rait da vias chantunalas e cedida a la fundaziun NOSSA PUNT sco proprietad e per il mantegniment. La fundaziun è vegnida fundada per pudair mantegnair vinavant questa punt ch'è tenor la fundaziun impurtanta per la vita ed il purtret dal vitg.
Als custs per sanar la punt da Versell vegn pajada ina contribuziun chantunala pauschala unica da 300 000 francs. Quest import correspunda als custs che fissan resultads, sche la punt fiss vegnida demolida. Plinavant vegn garantì in import da 318 500 francs per mesiras da la tgira da monuments.
Part da la via daventa via communala
Ultra da quai vegn il traject da la via da Breil tranter la punt nova sur il Rain anteriur a Danis e la punt da Versell excludì per l'emprim da fanadur 2017 da la rait da vias chantunalas e cedì a la vischnanca da Breil sco proprietad e per il mantegniment.
RR novitads 09:00