Siglir tar il cuntegn

Surselva Dapi 30 onns success cun teater a Mustér

La Gruppa da teater Mustér po festivar quest on ses giubileum da trenta onns. En quai temp ha ella preschentà 26 teaters, per il pli cumedias. Era per il giubileum datti ina cumedia. Il classicher «L'onda da Charly».

Sigis Beer il president da la gruppa cun Vigeli Lutz  ch'è dapi l'entschatta commember.
Legenda: Sigis Beer il president da la gruppa cun Vigeli Lutz ch'è dapi l'entschatta commember. RTR, G. Hosang

Avant 30 onns han 18 persunas fundà la Gruppa da teater Mustér. Sco quai che Vigeli Lutz, in dals fundaturs raquinta avevan els lura nagut ed il pli pauc daners. Mintgin ha pajà ina contribuziun da 30 francs. Quai è d'intervegnir or dal protocol. Per lur emprim toc «Marcus vegn persequitaus» haja quai gì num far tut sez declera Vigeli Lutz. Ussa 30 onns pli tard è la gruppa creschida sin 40 commembers. Sco il president Sigis Beer di hajan ins success cun las cumedias ch'els preschentian onn per onn. Era pertutgant commembers sajan ins per il mument en ina buna situaziun. Uschia na sajan betg mintga onn ils medems sin tribuna quai che saja era interessant per ils aspectaturs.

In classicher per il giubileum

Per il giubileum n'è betg planisà da far gronda festa. Tenor Sigis Beer vegnia festivà aifer la gruppa da teater. Tar il toc èn ins percunter sa decidì da preschentar in classicher. «L'onda da Carly» è ina cumedia scritta 1892 en l'Engalterra. Il toc è vegnì translatà en passa 100 linguas ussa da nov era en rumantsch. Il toc cun blers embrugls è vegnì adattà sco gieu auditiv, opereta e musical. Mo il pli enconuschent è il toc probabel daventà pervia dals films ch'èn vegnids fatgs 1955 cun Heinz Rühmann e 1963 cun Peter Alexander en la rolla principala.

Teaters giugads dapi 1989

1989Marcus vegn persequitausArthur Brenner
1990Il spus da mia dunnaCarl Hirrlinger
1991Taviarna delta smaragtCarlHirrlinger
1992Il letg strienauJohn Lee
1993La habitaziun plein tensiunsEmil Sauter
1994Il miert ella bognieraMike la Marr
1995Manfred e las drogasDonat Cadruvi
1996Ali gianter cul sexCarl Hirrlinger
1997In jogurt per dusCarl Hirrlinger
1998Il testamentThomas Beer
1999In milliun en letgHans Gmür
2001Gl`aug Dagobert fa visetaBenedetg Caminada
2003Duas mustgas cun ina fridaCasper Freuler
2005Schulas e manzegnasWalter B.Pfaus
2006Il tgiet fa buca pli chicherichiHermann Hossmann
2007Ina famiglia stuornaWalter B.Pfaus
2008Baby HamiltonMurice Bradell
2009Il tat fa tupadadsFranz Schaner
2010Carezia e scumbeglsAnthony Mariott
2011Il grev malsaunNorman Barasch
2012Ida dedectivaJ. Popplewell
2013Aunc inaga dall`entschattaRick Abbort
2014Las nozzas da pèrlasRolf Bechtel
2015Null problem-la renta vegnErwin Britschgi
2016Il pli tup mumentAndreas Kessner
20171001 Notg en SurselvaTobias Siebert