Las stanzas, en las qualas cussedents da la Casa da tgira Sursassiala han abità in temp, vegnan renovadas. I sa tracta da 18 stanzas en la 3 e 4 auzada dal bajetg principal (baroc) da la claustra. Las investiziuns èn ca. 2 milliuns francs. Cunzunt ils palantschieus novs custian bler, sco il cellerar da la claustra Silvio Bernasconi ha ditg ad RTR. La finamira è da dar suttetg a gruppas che fan seminaris.
Betg dapli disturbis
L’avat Vigeli na tema betg che quai dettia dapli disturbis, il cuntrari: quai dettia dapli vita. Els hajan gia fatg bunas experientschas cun la Stiva sogn Placi ed era cun ils cussedents. Ed ils paders hajan in agen spazi per sa retrair. Sa chapescha ch’ina tala avertura saja in grond pass per ina claustra benedictina, conceda l’avat. Era ils indigens sajan stads per part surstads. Ed en la claustra saja quai stà in process da plirs onns.
Secunda etappa
Las 18 stanzas èn in’emprima etappa; en ina secunda vegni fatg 5- 8 stanzas per giasts che vegnan a viver in tschert temp cun ils paders en claustra.