Ina da sias lavurs principalas saja da far viadis en differentas citads da la China, Namibia ed Africa dal Sid. Là s’inscuntra el cun scolas ed instituziuns che intermedieschan scolars. Plinavant visita Ursin Defuns las famiglias dals scolars ch'èn al gimnasi da Mustér u quellas famiglias che tramettan proximamain scolars. Avant che far tals viadis èsi bun da sa preparar in pau per emprender d’enconuscher la cultura estra.
Brat cultural
Ma i dat era in barat cultural, vul dir: scolars indigens van en questas terras per emprender englais e scolars da l’exteriur vegnan a Mustér per star duas fin trais emnas.
Contacts cun la Namibia
Ils dis passads èn represchentants da Swiss eduGLOBE stà en Namibia (en la citad da Windhoek). Là è il premi da la fundaziun Thomas Domenig vegnì surdà ad ina giuvna che dastga vegnir trais onns al gimnasi da Mustér.
Swiss eduGLOBE ha era in cussegl d’administraziun che sa cumpona da l’avat Vigeli Monn, dal rectur Roman Walker e da Zen - Jiang Wang.