Siglir tar il cuntegn

Header

cuntegn

Surselva Dardin: um croda da punt

Durant la notg passada è in um da 69 onns crudà d'ina punt e lura d'ina spunda giu. Oz a bunura ha in lavurer udì l'um che clamava per agid ed alarmà ils servetschs da salvament. Ina ambulanza ha transportà il blessà en l'ospital a Glion. Uschia ha communitgà la polizia chantunala.

Suenter emprimas enconuschientschas saja l'um stà da viadi da Danis en direcziun Dardin. Ora dad in'autezza da radund 7 meters è el lura crudà da la punt sin ina spunda. La polizia investighescha en chaussa.

RR novitads 16:00

Artitgels legids il pli savens