Surselva - David Tuor e Lothar Cajacob novs campiuns da troccas 2017

La fin d'emna dals 7 ed 8 da schaner ha gì lieu a Sedrun en la halla da scola il 12avel campiunadi grischun da troccas. 52 teams da 2 persunas èn sa mesirads sur dus dis per chattar ils novs campiuns grischuns. Ier è vegnida giugada la runda da qualificaziun ed oz la runda finala. Ils finals cun ils megliers otg teams èn vegnids giugads en il sistem da «k.o.».

1 / 4

Legenda: Suenter la victoria Lothar Cajacob e David Tuor. RTR, Linus Livers

2 / 4

Legenda: Durant il final dovri concentraziun cumplaina. RTR, Linus Livers

3 / 4

Legenda: Cura che 80 persunas giogan troccas poi vegnir dat aut. RTR, Linus Livers

4 / 4

Legenda: Il «podest» dal campiunadi grischun da troccas 2017 MAD

audio

Bunura: L'atmosfera d'in tal campiunadi da troccas

02:23 min, ord Actualitad dals 09.01.2017.

laschar ir. Durada: 2 minutas 23 Secundas.

Gudagnà han ils dus trochists David Tuor e Lothar Cajacob da Sedrun/Sumvitg.

Vicecampiuns èn Casper Deflorin e Pius Desax da Mustér e sin plaz trais èn Simeon Cavegn ed Emil Soliva da Sedrun.

Sco che l’Uniun grischuna da troccas scriva èn ils campiunadis grischuns da troccas ina tradiziun ch’è fitg impurtanta per la lingua e la cultura rumantscha. E perquai duain els vegnir tgirads e promovids.

Legenda: La glista dals campiuns po uss vegnir cumplettada cun ils nums David Tuor e Lothar Cajacob. RTR, Linus Livers

RR novitads 20:00