Davos las culissas da Surselva Turissem a Turitg

Roland Huber ed Anja Beivi da Surselva Turissem han preschentà il program da stad cun offerir in ensolver da medias en in quartier da trend a Turitg.

Laschar ir video «Surselva Turissem sa preschenta a Turitg»

Surselva Turissem sa preschenta a Turitg

2:21 min, dals 24.5.2016

En il local urban «Loft Five» en la Europaallee a Turitg ha la destinaziun da turissem da la Surselva presenta il program da stad.

Avant varga mez onn è quest termin vegnì fixà. Las preparaziuns per l'ensolver han cuzzà rodund duas emnas. 20 interessents en vegnì a tadlar la preschentaziun da Roland Huber, il president da Surselva Turissem e dad Anja Beivi, la manadra da marketing.

Placat da Surselva Turissem en l'ustaria «Loft Five» a Turitg Avrir maletg en lightbox.

Legenda da maletgs: Placat da Surselva Turissem en la ustaria «Loft Five» a Turitg RTR, S. Degonda

Ils giasts eran per gronda part ord la branscha turistica e partenaris da la destinaziun Surselva. Dentant era quatter schurnalists èn stads a l'ensolver. Tranter auter Stefan Baumgartner dal Wädenswiler Anzeiger. El saja stà intgantà – cunzunt da la atmosfera famigliara che Surselva Turissem porschja adina puspè.