L'uffizi veterinar na po betg definir il motiv per la mort dal vadè a Degen. Cunquai che tut ils organs ed il culiez dal vadè eran magliads davent na saja betg stà pussaivel d’eruir sch’in luf haja mazzà il vadè, ha ditg l'uffizi sin dumonda da RTR.
La situaziun en il lieu haja dentant manà a la conclusiun ch'i sa tracta d’in cumportament problematic. Perquai ha l’uffizi da chatscha e pestga annunzià il cas a la Confederaziun. Sco Adrian Arquint ha ditg a RTR, dettia la pussaivladad da relaschar ina disposiziun per sajettar il luf sch’i avess il proxim temp da succeder in sumegliant cas.