Siglir tar il cuntegn

Header

audio
Mezdi: Il di da la lingua materna – Viver cun 4 linguas
Or da Actualitad dals 21.02.2019.
laschar ir. Durada: 3 minutas 7 Secundas.
cuntegn

Surselva Di da la lingua materna – Viver ses mintgadi cun 4 linguas

Eder Lala ha geniturs albanais. Sia dunna discurra tirc. Rumantsch ha el emprendì en scola. Il tudestg dovra el per la lavur. En sia vita quotidiana ha el da far cun ina massa linguas.

Ils 21 da favrer è il di da la lingua materna. L'instituziun internaziunala UNESCO aveva inizià quai di l'onn 2000. La finamira da quest di è da promover la diversitad linguistica. Radund 7000 linguas vegnan discurridas oz activamain. La mesadad da quellas è dentant en privel da murir ora. Il di è tranter auter era deditgà a tuttas persunas che vivan en l'exteriur e n'han betg la pussaivladad da discurrer savens l'atgna lingua.

Rumantsch, albanais, tudestg, tirc

Eder Lala (36) vegn da l'Albania. L'albanais è era stà l'emprima lingua ch'el ha emprendì. Cun 8 onns è el lura vegnì en Svizra ed abitava cun ses geniturs a Danis. Là è el vegnì confruntà cun in ulteriura lingua: il rumantsch. Tenor Eder Lala haja el gì paucs problems cun emprender rumantsch. Il rumantsch haja numnadamain per part sumegliants pleds. Il tudestg è alura vegnì automaticamain vitiers cun ils onns. Sia dunna è dal Cosovo, discurra però tirc. Uschia è quai anc ina lingua supplementara en il mintgadi dal trenader da fitness.

Pliras linguas mamma

Sco Eder Lala declera, haja el pliras linguas mamma. L'albanais collia el cun sias ragischs e sia derivanza. Il rumantsch percunter è collià a bellas regurdientschas da l'uffanza. Uschia sajan omaduas linguas fitg impurtantas per il bab da 2 uffants. El patratgia era en tut las linguas. Plinavant n'ha el betg tema ch'ina da ses linguas giajan a perder. El ha numnadamain avunda contact cun parentella che discurra omaduas linguas.

7097 linguas

Avrir la box Serrar la box

I dat 7097 linguas sin l'entir mund. Las pli derasadas èn las linguas mamma chinais-mandarin ed il spagnol.

video
Tge munta rumantsch per tai?
Or da Giuventetgna dals 21.02.2019.
laschar ir. Durada: 56 Secundas.

RR actualitad 11:00

Artitgels legids il pli savens