Corinne Staub che ha 46 onns banduna per immediat sia plazza sco presidenta da Sedrun Mustér Turissem. Motiv principal saja ch'ins na saja betg stà perina puncto resursas e strategia. Quai tenor ina communicaziun da medias da Sedrun Mustér Turissem. Staub era vegnida tschernida l'onn 2018 sco successura da Curdin Brugger. Lezza giada era ins sa decidì per ella, cun quai ch'ella saja «neutrala».
Legenda:
Suenter che Corinne Staub ha demissiunà sco presidenta da Sedrun Mustér Turissem datti gia in nov candidat: Silvio Schmid.
RTR, Hubert Giger
Silvio Schmid candidescha
L'uniun da turissem discuta uss intern co ch'ins vuless cuntinuar. Fin a la proxima radunanza generala il zercladur surprenda ad interim il vicepresident Silvio Schmid il presidi. E sco el ha ditg ad RTR stat el era a disposiziun sco nov president da Sedrun Mustér Turissem. El ha gia presidià il 2004 questa uniun.
Legenda:
Midadas persunalas Sedrun Mustér Turissem 1998 tochen 2019
RTR
RR novitads 12:00
