Siglir tar il cuntegn

Surselva Direcziun da la claustra da Mustér è cumpletta

Andreas Isler cumplettescha la direcziun da la claustra Mustér. Sco quai che l’avat Vigeli Monn ha communitgà, surpiglia Andreas Isler il post dal responsabel per las immobiglias e per projects da bajegiar cun l’entschatta d’avrigl.

Clutgers da la claustra da Mustér che vargan si la puntanada.
Legenda: La renovaziun da la claustra che vegn a custar var 15 milliuns, daventa in dals pensums d'Andreas Isler. RTR, G. Hosang

Isler è inschigner da construcziun ed è da Turitg. El surpiglia questa lavur en pensum da lavur parzial. Sco quai che avat Vigeli Monn scriva en la communicaziun, è la claustra fitg cuntenta d’avair chattà ina persuna cumpetenta per quest post.

Davent dal december 2014 ha la claustra da Mustér ina direcziun che surpiglia ils pensums economics da la claustra. Commembers da la direcziun èn sper Andreas Isler: Peter Binz, gestiunari; Bruno Hensler, rectur dal gimnasi; Silvio Bernasconi, responsabel per la hotellaria e gastronomia, e pader Bruno ch'è decan e represchentant dal convent.

RTR Novitads 17:00