Siglir tar il cuntegn

Header

cuntegn

Surselva Direcziun externa per la Chasa da sentupada a Glion

Dapi l’entschatta ha ina sora da la claustra dominicana manà la Chasa da sentupada a Glion. Pervia dal success da la chasa n`è quai betg pli pussibel.

audio
Bunura: Nova direcziun per la chasa da sentupada a Glion
ord RTR Audio dals 04.02.2016.
laschar ir. Durada: 3 minutas 2 Secundas.

L’onn 1990 han las soras da la claustra dominicana a Glion avert las portas da la Chasa da sentupada en las localitads da l’anteriur institut per mattas. La chasa porscha curs da tut gener sco p.ex. curs da sanadad u er curs da taisser. Plinavant affitta ella sias localitads a persunas privatas u uniuns, p.ex. a chors che vulan organisar ina fin d’emna da chant.

Fotografia d'ordado da la part dretga dal cumplex claustral, nua che la Chasa da sentupada sa chatta.
Legenda: La Chasa da sentupada sa chatta en la part dretga dal cumplex claustral. Giusut stanzas da scola, suren chombras da durmir. RTR, C. Albin

Ina sora sco manadra da fatschenta

Fin uss è adina ina sora da la claustra dominicana stada a la testa da la Chasa da sentupada. Il grond success da la chasa pretendia dentant adina dapli know-how professiunal. Sco la priura generala Sr. Annemarie Müller ha ditg a RTR, haja la manadra actuala Sr. Madlen Müller fatg ina fitg buna lavur ils davos onns, il success da la chasa saja stà per gronda part ses merit.

Ella n'haja dentant betg la savida necessaria, ella ha emprendì da tgirunza, per ademplir las pretensiuns ad ina manadra u manader da fatschenta professiunal. Ultra da quai saja ella en ina vegliadetgna, nua ch’ins stoppia planisar la successiun. In’autra sora da la congregaziun dominicana na vegnia betg en dumonda per surprender quest post.

Per quels motivs haja il cussegl general da la congregaziun da las soras dominicanas decidì, da tschertgar ina persuna externa per manar la Chasa da sentupada.

Quai pudess era interessar:

Artitgels legids il pli savens