Ina halla da gimnastica plain giuventetgna, avunda da baiver e sound da sautar – quai è il recept da success per emplenir la cassa da l’uniun da giuventetgna. La Disco e Sagogn è dapi varga 30 onns ina marca da festa en Surselva. Suenter las emprimas discos fin dals onns 80 ha la giuventetgna da Sagogn organisà concerts da rock, lura puspè disco e quest onn per la terza giada «la colurada» – disco en halla polivalenta 08/15, dentant decorada cun in zic colurs plain colurs fluorescentas. E per far puspè ina giada insatge nov – l’emprima «silent party» en Surselva! En la sala gronda è tut stà sco usità: disco cun musica da DJ – en il bunker en il plaun sutterran silenzi e musica ord uregliers.
video
Silent party Sagogn
Or da Actualitad dals 24.11.2019.
laschar ir. Durada: 1 minuta 47 Secundas.