Mo la dumonda da conceder in credit da planisaziun da 450'000 francs per sanar la chasa da scola ha chaschunà discussiuns. Tge sch’il pievel schess na a quest credit, perquai ch’ins è suttamess al referendum facultativ?
Perquai ha il cusseglier Flavio Murer proponì da precisar il text e scriver da conceder in credit da planisaziun (projectaziun ed execuziun) per la sanaziun da la chasa da scola «nova» Cons e la plazza da scola.
Il gerà Iso Mazzetta ha declerà ad RTR che en la summa da 450'000 francs saja era integrà da survegliar, accumpagnar e realisar il project da l’entschatta fin la fin. La finala ha il cussegl da vischnanca da Mustér ditg unanimamain gea al credit.
Sanar la serenera
Plinavant ha il president communal Francestg Cajacon infurmà che la vischnanca stuess sanar la serenera a Raveras per ca. 4 milliuns francs. Quella chaschuna mintg'onn in deficit da en media 250'000 francs. Perquai stoppian ins ponderar d'augmentar las taxas.