Siglir tar il cuntegn

Header

Navigaziun

Legenda: Tadlar il audio Disentiserhof: Suenter passa 8 onns vai enavant. Durada 02:10 minutas.
02:10 min, Total local dals 18.03.2019.
cuntegn

Surselva Disentiserhof: Suenter passa 8 onns vai enavant

Ils plans da quartier per l’areal dal Disentiserhof èn adattads. Dus recurs hai dà, sco il manader da l’infrastructura tar la vischnanca da Mustér Ervin Maissen ha ditg ad RTR.

La suprastanza haja dentant renvià ils recurs. Sch’ils dus recurrents na van uss betg avant la dretgira administrativa dal Grischun, po l’investider lantschar ses project.

Nizzegiar l'aua da radon

L’investider, la Mettlen Immo SA, vul bajegiar in nov hotel sper il Disentiserhof. I fiss in hotel da cura cun ca. 60 chombras ed ina clinica da reabilitaziun per nizzegiar l’aua da radon. Gia avant decennis vegniva questa aua nizzegiada dals giasts en il Disentiserhof.

Lantschar ina concurrenza d'architectura

Era il president dal cussegl d’administraziun da la Mettlen Immo SA, Rolf Engler, quinta ch’el possia cuntinuar cun ses project proximamain, sche la dretgira administrativa na sto betg sa fatschentar cun ils recurs. In proxim pass fiss da lantschar ina concurrenza d’architectura per il nov hotel e da discutar il project cun la regenza grischuna.

Legenda: Guardar il video Telesguard dals 18.10.2011 Il Hotel Disentiserhof – il hotel da quitads a Mustér.. Durada 03:29 minutas.
Or da RTR dals 18.10.2011.

RR actualitad 11:45