La destillaria «Daguot» a Glion è daventada destillaria da l'onn 2023. Ensemen cun ulteriuras nov destillarias è la destillaria «Daguot» vegnida undrada cun quest predicat per ses products e per l'engaschi per cuntanscher dapli qualitad en destillar ed en la branscha svizra, argumentescha la giuria.
Ils dus brischavinars sursilvans èn zunt satisfatgs da la renconuschientscha. Tant pli perquai ch'els sajan sulet ina destillaria pitschna. Robert Cathomas e Beni Simeon han cumenzà cun lur passiun pir suenter la pensiun.
Per nus è brischar vinars anc adina in pau in hobi, in al qual nus deditgain dus fin trais dis per emna.
Cun l'Ansauna e las Tschereschas ha «Daguot» gudagnà l'entira categoria respectiva, però era cuntanschì set ulteriuras medaglias d'aur cun ils destillats. La concurrenza da l'organisaziun professiunala «Distisuisse» ha lieu mintga dus onns. Fatg part quest onn han 135 destillarias svizras cun total 790 products. Tenor ils organisaturs in record.
Or da l'archiv:
